Во возвратна пријателска и работна посета на нашиот Синдикат од 10 до 12-06-2014 година, престојуваше четиричлена синдикална делегација од Р. Босна и Херцеговина, предводена од претседателот на синдикатот за основно образование, Селведин Шаторовиќ и претседателот на синдикатот за средно образование , Џевад Хаџиќ.

Делегацијата при престојот во нашата земја ги посети Скопје, Струга и Прилеп и при тоа имаше работна средба со претседателот на Регионалниот одбор на СОНК-Струга, Демирќани Реџепи и претседателот на Регионалниот одбор на СОНК-Прилеп, Ванчо Спиркоски.
Во текот на посетата делегацијата имаше повеќе пати средба со највисокото раководство на СОНК, а пред нејзиното заминување од нашата земја, во завршните разговори беше констатирано дека, на заедничко задоволство, во целост се остварува Меморандумот за соработка, потпишан помеѓу СОНК и двата синдикати од Б и Херцеговина пред 2 години во Сараево. Беше констатирано дека соработката има големо значение за трите синдикати, особено во размена на искуства во синдикалното делување, како и за состојбите во образованието во двете држави. Беше потврдена взаемната желба за натамошно продолжување на соработката и посебно заедничко договарање и усогласување на активностите во меѓународните синдикални организации во кои се членки нашите три синдикати, а тоа значи во Интернационалата за образование ( EI ) и Европската федерација за образование ( ЕТUCE ).

Од посебен интерес, за трите синдикати, беше договорено да се направи заедничка координирана активност за поуспешно остварување на Спогодбата за меѓусебна соработка меѓу синдикатите за образование од балканските земји, потпишана пред повеќе од 2 години во Охрид, за која иницијатор и организатор беше нашиот Синдикат.

* * *