Првите едукативни семинари, кои беа најавени на VI – от Конгрес на СОНК во програмските определби и со конкретизирана Програма, усвоена од Советот на СОНК, се оддржаа минатиот викенд во два регионални одбори на СОНК – Делчево и Кочани.

Заедничка карактеристика на одржаните семинари во споменатите региони , е неподеленото мислење на членовите на овие наши региони, а тоа всушност се претседателите на синдикалните организации на СОНК од општините кои ги опфаќаат овие региони, дека била сосема оправдана потребата од синдикална едукација.

На семинарите, на кои во првиот дел беше направена презентација на три области кои, по наша оценка се сметаа за најпотребни во едукативниот процес и тоа : ,, Синдикатот – нужна потреба или наметната обврска за работниците” ; ,,Правна регулатива на Синдикатот” и ,, Стратешки цели на СОНК за наредниот петгодишен период“, а во попладневниот дел од семинарот, заедничка дискусија по темите и сите актуелни прашања во СОНК. Без исклучок од сите присутни беше искажано задоволство од ваквиот начин на одржување на едукативните семинари.

Во повеќето дискусии од двата региони, преовлада мислењето дека во трите теми содржински се опфатени најзначајните прашања кои се од интерес на членството на СОНК, со јасно потенцирање дека, за поголем дел од присутните немале сознанија или имале половични познавања за тие прашања. Преовлада заклучокот дека,поради евидентните празнини во делот на синдикалните познавања, често пати, особено во значаен дел во синдикалните организации правени се погрешни проценки, а некогаш се носени и заклучоци за одредени активности на СОНК.

Во воведното излагање по темите, беше отворено зборувано и за позитивните страни, но и за слабостите со кои СОНК е соочен во овој момент, а се со цел првите ( позитивните ), да се оддржуваат и  постојано да се зголемуваат, додека согледаните слабости постепено, но и што е можно побрзо, да бидат надминати.

На крајот од двата споменати едукативни семинари беше договорено, во што пократок период, со предходно направена подготовка и во целосна координација со раководството на регионот, семинарите да бидат одржани и во сите синдикални организации на СОНК. За таа намена, од страна на раководството на СОНК се изготви Прирачник, како основен материјал за оддржување на семинарите.

На 5-02-2016 година во попладневните часови, раководството на СОНК и  претседателот на Регионалниот одбор на СОНК – Делчево, имаа работна средба со градоначалниците на општина Делчево и на општина Македонска Каменица, на која стана збор за социјалното партнерство помеѓу надлежните на овие две локални единици и регионалниот одбор на СОНК, во решавање на сите прашања кои се од надлежност на двата социјални партнери.

Како краен заклучок, со сигурност може да се констатира дека одржаните едукативни семинари во регионите Делчево и Кочани, беа успешно оддржани и истите ќе имаат голем придонес во поквалитетно функционирање на синдикалните организации и споменатите регионални одбори на СОНК.

 Првите едукативни семинари, кои беа најавени на VI – от Конгрес на СОНК во програмските определби и со конкретизирана Програма, усвоена од Советот на СОНК, се оддржаа минатиот викенд во два регионални одбори на СОНК – Делчево и Кочани.

Заедничка карактеристика на одржаните семинари во споменатите региони , е неподеленото мислење на членовите на овие наши региони, а тоа всушност се претседателите на синдикалните организации на СОНК од општините кои ги опфаќаат овие региони, дека била сосема оправдана потребата од синдикална едукација.

На семинарите, на кои во првиот дел беше направена презентација на три области кои, по наша оценка се сметаа за најпотребни во едукативниот процес и тоа : ,, Синдикатот – нужна потреба или наметната обврска за работниците” ; ,,Правна регулатива на Синдикатот” и ,, Стратешки цели на СОНК за наредниот петгодишен период“, а во попладневниот дел од семинарот, заедничка дискусија по темите и сите актуелни прашања во СОНК. Без исклучок од сите присутни беше искажано задоволство од ваквиот начин на одржување на едукативните семинари.

Во повеќето дискусии од двата региони, преовлада мислењето дека во трите теми содржински се опфатени најзначајните прашања кои се од интерес на членството на СОНК, со јасно потенцирање дека, за поголем дел од присутните немале сознанија или имале половични познавања за тие прашања. Преовлада заклучокот дека,поради евидентните празнини во делот на синдикалните познавања, често пати, особено во значаен дел во синдикалните организации правени се погрешни проценки, а некогаш се носени и заклучоци за одредени активности на СОНК.

Во воведното излагање по темите, беше отворено зборувано и за позитивните страни, но и за слабостите со кои СОНК е соочен во овој момент, а се со цел првите ( позитивните ), да се оддржуваат и  постојано да се зголемуваат, додека согледаните слабости постепено, но и што е можно побрзо, да бидат надминати.

На крајот од двата споменати едукативни семинари беше договорено, во што пократок период, со предходно направена подготовка и во целосна координација со раководството на регионот, семинарите да бидат одржани и во сите синдикални организации на СОНК. За таа намена, од страна на раководството на СОНК се изготви Прирачник, како основен материјал за оддржување на семинарите.

На 5-02-2016 година во попладневните часови, раководството на СОНК и  претседателот на Регионалниот одбор на СОНК – Делчево, имаа работна средба со градоначалниците на општина Делчево и на општина Македонска Каменица, на која стана збор за социјалното партнерство помеѓу надлежните на овие две локални единици и регионалниот одбор на СОНК, во решавање на сите прашања кои се од надлежност на двата социјални партнери.

Како краен заклучок, со сигурност може да се констатира дека одржаните едукативни семинари во регионите Делчево и Кочани, беа успешно оддржани и истите ќе имаат голем придонес во поквалитетно функционирање на синдикалните организации и споменатите регионални одбори на СОНК.

Во текот на изминатите два викенда, одржани се едукативни семинари во регионалните одбори на СОНК – Штип, Велес, Гевгелија и Струмица. Како и во првите два региони – Делчево и Кочани и во овие четири региони на нашиот Синдикат, едукативните семинари беа одржани , со заедничка оценка на учесниците- мошне успешно.

Имено, присуството на членовите на регионалните одбори, иако истите се одржуваат во денови на викенди, е сосема задоволително со мали исклучоци од  оправдани причини.

Во досега одржаните регионални одбори, со неспорно внимание и интерес се следеа воведните излагања по трите теми од семинарот и според анонимните Анкетни прашалници, што ги пополнуваа учесниците, со само неколку поединечни исклучоци, што се помалку од 1 до 2% од бројот на анкетирани, сите изразиле мислење дека семинарите биле многу корисни и исто така добар дел од информациите што ги добиле , ги оценуваат како работи за кои не биле информирани или делумно или погрешно информирани.

Исто така, како мошне успешни можат да се оценат и вториот дел од семинарите, кои се во вид на работилници, во кои членовите на регионалните одбори без ограничување на времето можеа да даваат свои мислења, предлози, сугестии, како и да поставуваат прашања по сите надлежности од активноста на Синдикатот.

На крајот ќе ги одбележиме и остварените работни средби со градоначалниците од општините, на чие подрачје беа одржувани едукативните семинари и тоа по основ на улога на домаќини на чие подрачје беа одржани семинарите. Овие работно-протоколарно работни средби само ја потврдија потребата од директни контакти помеѓу раководството на СОНК, како на централно, така и на локално ниво, со најодговорните од  единиците на локална самоуправа. Потсетуваме дека, веднаш по завршување на едукативните семинари, СОНК ќе продолжи со одржување на седници по регионални одбори, на кои ќе бидат поканети да присуствуваат градоначалниците што ги опфаќа конкретниот регионален одбор на СОНК.

 Советот на Самостојниот синдикат за образование, наука и култура на Р. Македонија – СОНК, на втората редовна седница, одржана на 20-02-2016 година, едногласно донесе заклучок да се организира и спроведе интензивна синдикална едукација во СОНК. Со едукацијата, која ќе се одвива во регионалните одбори и синдикалните организации на СОНК, договорено е да бидат опфатени , во првата фаза претседателите на синдикалните организации на СОНК, преку едукативни семинари што ќе се одржуваат на ниво на регионални одбори на СОНК.

Со втората фаза, ќе бидат опфатени сите членови на СОНК, преку едукативни семинари кои ќе се одржуваат во секоја од околу 600 синдикални организации на нашиот Синдикат.

Планирано е едукативните семинари да се одржуваат во неработни денови и да бидат поделени во два дела. Првиот дел треба да биде тематски, на кој воведни излагања ќе имаат ( во регионалните одбори ), носителите на највисоките функции во СОНК, а во синдикалните организации претставниците на регионалните одбори и претседателите на синдикалните организации.

Со првиот дел , поделени во три тематски области, ќе бидат опфатени најважните прашања сврзани со Синдикатот, како организација на работниците, со историски и хронолошки приод на оваа организација, сегашни состојби во светот и посебно на синдикален план во светот и посебно во  нашата држава. Посебен акцент во оваа тематска област, ќе биде посветено на СОНК, од неговот основање , па се до денес.

Со втората тематска област, ќе бидат опфатени – Статутот на СОНК, со споредбени податоци со други синдикати сродни на нашиот Синдикат и пошироко во Регионот, Законот за работни односи во делот на синдикатите и социјалниот дијалог и колективните договори по дејности.

Со третата тематска област, ќе биде анализирана Програмата за работа на СОНК во наредниот петгодишен период, најважните предизвици кои ќе бидат предмет на континуирани активности на СОНК, степенот на социјалниот дијалог на сите нивоа и натамошните реформски зафати во доизградувањето на СОНК во современ синдикат, по моделот на најмоќните синдикати за образование во земјите од Европската унија.

Во вториот дел од едукативните семинари и во регионалните одбори и во синдикалните организациии, планирано е да има дискусија и по темите од семинарот, како и за сите актуелни прашања и проблеми од надлежност на СОНК.

Се планира да биде изготвен и посебен Прирачник, кој ќе треба да послужи за поквалитетно извршување на оваа обемна и многу значајна активност на СОНК, која ќе се одвива во наредните неколку месеци.

По одржувањето на VI – от Конгрес на СОНК, Советот на СОНК , на 26-12-2015 година во Прилеп ја одржа својата прва седница , на која беа поканети да присуствуваат градоначалниците на Пелагонискиот регион, а кој синдикално го обединува Регионалниот одбор на СОНК – Прилеп и тоа : Марјан Ристески – градоначалник на општина Прилеп ; Ѓорги Дамчески – градоначалник на општина Крушево; Боше Милошевски – градоначалник на општина Долнени и Тони Заткоски – градоначалник на општина – Кривогаштани.

Градоначалниците откако го изразија своето задоволство за присуството на седницата на Советот на СОНК, недвојбено ја поздравија иницијативата за ваква средба, каде што ќе се отворат сите прашања што се во надлежлежност на единиците на локалната самоуправа во сите сегменти на образованието, науката и културата. Заедничка беше констатцијата дека имаат воспоставен коректен социјалниот дијалог и партнерство со претседателот и секретарот на регионалниот одбор на СОНК – Прилеп.

Беше отворено прашањето за трансформација на работниот однос од определено на неопределено време, кое во овој Регион непречено се одвива, а во рамките на Законот за работни односи, како и условите за работа на вработените во дејностите што синдикално ги обединува СОНК , каде беше искажано задоволството за вложувањата на централаната и локалната власта во последните години , на ова поле.

Исто така, од страна на градоначалниците беше поздравена иницијативата, изразена преку ,,.Резолуцијата за измени во Законот за основно и Законот за средно образование во делот на бројот на ученици во паралелки’’, прашање кое заради енормно намалување на наталитетот во државата, директно се одразува во делот на образованието и реално ќе создаде вишок на вработени во овие дејности.

Како издвоено прашање беше отворено прашањето по однос на трошоците за превоз на вработените во општината Долнени, за кое градоначалникот Боше Милошевски ја изрази својата подготвеност за изнаоѓање на решение и по однос на ова прашање.

Заедничка констатација и на членовите на Советот на СОНК , но и на Градоначалниците беше дека, вакви средби треба да се остварат и со сите единици на локална самоуправа и регионални одбори на СОНК, како и средби со истите  на ниво на региони. Исто така, беше констатирано дека за решавање на одредени прашања треба да се вклучат и Управниот одбор на ЗЕЛС и централната власт.

Во вториот дел на седницата беа отворени повеќе актуелни прашања и договор за операционализација на Програмата за работа на СОНК, усвоена на VI-от Конгрес на СОНК, во која беа детектирани слабостите во досегашното работење на СОНК на сите нивоа, од синдикалните организации на СОНК, регионалните одбори , па се до органите на Советот на СОНК. За таа цел Советот на СОНК го договори и првиот чекор, со кој претседателите на синдикалните организации и регионалните одбори на СОНК, секој во рамките на своите надлежности ќе преземат активности за надминување на детектираните слабости.

Исто така беше договорено што е можно поитно да се имплементираат четирите Резолуции, усвоени на VI-от Конгрес на СОНК.

Советот на СОНК, врз основа на Статутот на СОНК , на седницата едногласно именува двајца потпретседатели на Советот на СОНК : Димитар Стојановски – досегашен потпретседател на Советот на СОНК и претседател на Регионалниот одбор на СОНК – Делчево и Фатон Чиче –претседател на Регионалниот одбор на СОНК – Чаир.

За генерален секретар на Советот на СОНК, во наредниот мандатен период, едногласно пофторно и беше дадена довербата на Весна Неделковска, досегашниот генерален секретар на Советот на СОНК.

 На следните линкови можете да ги превземете документите кои што беа усвоени на 6-от Конгрес на СОНК:

ИЗВЕШТАЈ ЗА РАБОТАТА НА СОНК.pdf

П Р О Г Р А М А 2015-2020.pdf

Р Е Ф Е Р А Т- 2015.pdf

РЕЗОЛУЦИЈА 1 ЗА 6 КОНГРЕС.pdf

РЕЗОЛУЦИЈА 2 ЗА 6 КОНГРЕС.pdf

РЕЗОЛУЦИЈА 3 ЗА 6 КОНГРЕС.pdf

РЕЗОЛУЦИЈА 4 ЗА 6 КОНГРЕС.pdf

   Не можеме а да не изреагираме на еден од безброј “стручни“ совети, анализи, реклами и слични текстови од кујната на  неформалната група на Наставничкиот пленум објавен на нивната страна под наслов ,, Имам свое Јас, излегувам од СОНК“ од 12-12-2015 год., нивната забеганост и немање на никаква релација со реалноста, ја покажаа можеби и досега најдобро во споменатиот текст. Имено, тврдењето  дека утврденото право во Колективните договори што ги има потпишано СОНК во делот за класното раководство, како и за должината на годишниот одмор, според нив не важеле бидејќи поинаку било предвидено во Законот за работни односи!!!

Да кажеме дека ни е жал што дури ни тоа не го знаат, нема така да направиме, зошто ниту со тоа не можеме да им помогнеме. Ама, ќе го кажеме тоа што е принцип во колективното договарање дека секаде во светот, се разбира и кај нас, а тоа е: – со колективни договори треба да се обидете да ги зголемите правата од работен однос што се утврдени со соодветни закони. А потпишаните колективни договори имаат сила на Закон и во правата што сте успеале да ги зголемите во однос на законите,  тие одредби во колективните договори имаат повисока важност во однос на Законот во тој дел. Потпишаните колективни договори од страна на СОНК, колку и да не им е мило на Наставничките пленумци, важат исклучиво за членовите на СОНК и точка. Нека го прочитаат член 3 во било кој од колективните договори на СОНК и тогаш ќе им падне пајажината од очите.

А што да кажеме за ноторната лага, која може да конкурира и за лага на годината, дека коефициентите во делот за платите од колективните договори:… ,, de facto коефициентот на сложеност од 3.5 престанува да важи и подоцна се заменува со 2.5”. Со тоа само покажуваат дека имаат помалку познавање и на најосновните, или најелементарните работи што треба да ги знаат од редот на општата писменост, а да не зборуваме што треба да знаете  што треба да си дозволите да учите некои други за кои мислите дека тоа не го знаат. Па, најмалку што треба да знаат е дека  систем на нето и систем на бруто плата е сосема, сосема нешто различно. Коефициентите од колективните договори од 2008 година се во нето износ, а со воведување на системот на бруто плати, истата висина на платите е претворена во износ на бруто коефициент, која е до денар во ист износ со нето платите.

Кога би било така како што тие напишале, тогаш платите од 2009 година би биле намалени за повеќе од 40% – каква гадост, во обид на перење на мозок.

А што да се каже за коментарите околу изборот за претседател на СОНК на 6-от Конгрес, како и повикот да се напушта СОНК затоа што не бил избран некој од нивните членови и кандидати што очекувале тоа да се случи. Ќе им препорачаме дека тоа можеби ќе им успее само со користење на нивниот спреј “магла“ за поттикнување за ртење на плевел,  произведено во лабораторијата на Наставничкиот пленум, ама само за зголемување на друштва слични на нив.

И како нешто за на крај, иако воопшто не сакаме со такви ниту почеток –  ниту крај, ама сепак имаат заслуги во потврдата дека покрај вселената, бескрајни се уште само глупостите и злобата!

  Самостојниот синдикат за образование, наука и култура на Р.Македонија-СОНК, на 12-12-2015 година во Струга го одржа 6-от Конгрес, на кој од вкупно 120 избрани, присуствува 115 делегати, а како гости присуствуваа Министерот за образование и наука, Абдилаќим Адеми; заменик министерот за образование и наука, Спиро Ристовски; заменик министерот за труд и социјална политика, Диме Спасов и заменик министерот за култура, Драган Недељковиќ. На Конгресот како гости присуствуваа и в.д. претседателот на Конфедерацијата на слободни синдикати, Благоја Ралповски и претседателот на Сојузот на синдикати на Македонија, Живко Митревски, како и единаесет делегации на синдикатите за образование, со кои СОНК долги години одржува блиски пријателски односи и кои се сите репрезентативни во своите земји и членки на Интернационалата за образование и тоа од: Словенија, Холандија, Србија, Босна и Херцеговина, Албанија, Црна Гора, Косово иТурција.

Конгресот беше отворен со интонирање на државната химна и химната на нашиот Синдикат – ,, Секогаш СОНК” , што всушност беше промоција на истата и која е прва и единствена химна на синдикатите во Р. Македонија. Химната беше громогласно прифатена од делегатите на конгресот, а со многу високи оценки за ,, Секогаш СОНК,” дадоа и гостите од странските делегации, чиј заеднички коментар може да се сведе со изјавите – прекрасно, ќе се обидеме и ние нешто слично да направиме и за нашиот синдикат.

На Конгресот беа усвоени Извештајот за активностите на СОНК за претходните пет години, Програмата за работа на СОНК за наредниот петгодишен мандат, како и Резолуции за : Рeзолуција за подигнување на степенот на социјалниот дијалог на сите нивоа ; Резолуција за довршување на колективното договарање за сите дејности (високото образование и науката и нов Колективен договор за култура); Резолуција за измени во Законот за основно и Законот за средно образование во делот за бројот на ученици во паралелки; Резолуција за измени на Законот за работни односи во делот на важноста на колективните  договори.

Претседателот Неделков, како конгресен документ поднесе и поопширен Реферат пред делегатите, во кој посебно се задржа на согледаните слабости во работењето на СОНК во претходниот период, како и на позначајните прашања како предизвик за наредниот период. Неделков посебен акцент стави на социјалниот дијалог и тоа на сите нивоа, поаѓајќи од установите, единиците на локалната самоуправа, па се до ниво  на државни ресори. Во контекст на тоа изрази задоволство од резултатите од социјалниот дијалог, особено помеѓу СОНК и МОН, наведувајќи конкретни примери како што се прашања сврзани со екстерното оценување, педагошката евиденција, прашањето со казните од страна на Државната просветна инспекција, кои  во дијалог со МОН се решени со взаемно прифатливи решенија, а се од исклучителен интерес на вработените. Тој истакна дека социјалниот дијалог е незаменлив и СОНК и натаму ќе му придава исклучително заначење на ова прашање, со постојан придонес за подигање на повисок степен ( отвори аудио-визуелна снимка).

Во поздравното обраќање на Министерот за образование, Абдилаќим Адеми рече дека МОН и СОНК и досега постигнале многу во насока на подобрување на социјалниот дијалог меѓу двете страни и истиот ќе продолжи во насока на донесување на нови и подобри решенија во интерес на вработените во овие дејности.

Мошне позитивни оценки за социјалниот дијалог и партнерство помеѓу СОНК и МТСП, даде заменик министерот Диме Спасов, посочувајќи го гранскиот колективен договор за градинките и заедничките заложби на СОНК и МТСП за реализирање во делот на платите, како и во врска со лиценцирањето на негователките и воспитувачите во градинките.

Позитивни оценки за социјалниот дијалог со СОНК искажа и заменик  министерот Драган Недељковиќ, кој истакана дека новиот Колективен договор за култура е пред потпишување помеѓу СОНК и Министерството, а е резултат на подолги и мошне сериозни преговори од двата партнери.

Исклучителни пофалби за СОНК искажаа и високите преставници на делегациите од пријателските синдикати од споменатите земји со заедничка оценка дека СОНК има исклучително висок авторитет на регионално и на европско ниво и преставува модел на синдикат од кој голем дел од нив земаат многу искуства од работењето на СОНК.

На крајот од работата делегатите на 6-от Конгрес, со само еден глас против, Јаким Неделков го реизбраа за претседател на СОНК за наредниот петгодишен мандатен период.

Советот на СОНК на седницата одржана на 28-11-2015 год. ги сумираше резултатите по предлозите од синдикалните организации и регионалните одбори на СОНК, за предлагање на можни кандидати за претседател на СОНК.

Врз основа на записниците од сите 20 регионални одбори на СОНК, Советот констатира дека сегашниот претседател на СОНК, Јаким Неделков е предложен во 15 регионални одбори ,како единствен кандидат. Во 4 регионални одбори предложени се по еден кандидат од секој од тие регионални одбори, а во еден регионален одбор, спротивно на Одлуката донесена од Советот на СОНК за Критериумите за предлагање и утврдување на кандидат(и) за  претседател на СОНК, меѓу кои и Јаким Неделков, а Советот , согласно споменатата Одлука, не ги прифати како легитимни.

Советот, всушност само го констатира резултатот од предлозите од синдикалните организации и регионалните одбори на СОНК и согласно Одлуката и Статутот на СОНК, едногласно донесе Одлука, со која Јаким Неделков е утврден како единствен кандидат за претседател на СОНК.

Да напоменеме дека 6-от Конгрес на СОНК ќе се одржи на 12-12-2015 год.