Врз основа на усогласениот распоред со претседателите на Регионалните одбори на СОНК, највисокото раководство на СОНК, претседателот Неделков и генералниот секретар на СОНК, Неделковска, во регионалните одбори на СОНК, К.Вода - Скопје Прилеп, Велес, Куманово и Штип, со свои презентации пред претседателите на синдикалните организации од овие регионални одбори, дадоа осврт на идејата, а по однос на документот ,, Предизвици и основи како потреба за реформирање на СОНК и негова трансформација во Сојуз на синдикати за образование, наука и култура на Република Македонија”

Во сите регионални одбори на СОНК, претседателите на синдикалните организации, членови на истите, зедоа активно учество со свои дискусии по однос на документот и идејата за трансформација на СОНК во Сојуз на синдикати од образование, наука и култура на Р. Македонија. Дискусиите беа во насока дека трансформирањето на СОНК во ССОНК е неопходна потреба во интерес на членството, неопходна потреба за формирање на грански синдикати за остварување на заедничките интереси на дејностите што ги покрива СОНК, но и кај мал број, неосновани и поединечни размислувања, дека на овој начин би дошло до расцепкување на нашиот Синдикат.

Вредно е да се спомене дека состаноците во Регионалните одбори на СОНК, според усогласениот распоред со претседателите на сите регионални одбори на СОНК, ќе продолжи и во наредниот период.